ჭიანჭველა და კალია

ზამთარი მოდიოდა და ჭიანჭველამ მომზადება დაიწყო. ერთი კვირის განმავლობაში ყოველდღე, ის 3 პატარა მარცვალს ინახავდა.

კვირის ბოლოს ჭიანჭველამ კალიას ჩაუარა. „ჰაჰა, გიჟი ჭიანჭველა!“ თქვა კალიამ. “მთელი დღე მუშაობ, მაშინ როცა შეგიძლია ერთობოდე და თამაშობდე!” და კალიამ ხმამაღლა სიცილი დაიწყო, დასცინა ჭიანჭველას.

მეორე კვირაში ჭიანჭველა კიდევ უფრო მეტს მუშაობდა. ის ყოველდღე 4 პატარა მარცვალს ინახავდა. თუმცა, როდესაც ჭიანჭველამ ჩაუარა კალიას კვირის ბოლოს, კალიამ ისევ დასცინა, „ჰაჰა, გიჟი ჭიანჭველა!“

მესამე კვირაში ჭიანჭველამ კიდევ უფრო მეტი იმუშავა. მან მოახერხა და 6 პატარა მარცვალი შეინახა თითო დღეს. თუმცა, როდესაც ისევ ჩაუარა კალიას კვირის ბოლოს, კალიამ კიდევ უფრო დასცინა, „ჰაჰა, გიჟი ჭიანჭველა!“

მოვიდა ზამთარი. კალიას არაფერი ჰქონდა რომ ეჭამა. ის ავიდა ჭიანჭველას ბორცვზე და ჰკითხა, ზედმეტი მარცვლები ხომ არ გაქვს, რომ მაჭამოო. იცით, რა უპასუხა ჭიანჭველამ?

„ჰაჰა, გიჟი კალია!“