სწრაფი ვარსკვლავი

როცა 30 წამი დამთავრდება, მოსწავლეებს დაათვლევინეთ, თუ რამდენი ვარსკვლავი დახატა თითოეულმა მათგანმა (ეს მოქმედება დროს მოითხოვს და ზოგ მოსწავლეს შეიძლება გაუჭირდეს, ზოგი კი შესალებელია ვერ მივიდეს საბოლოო პასუხამდე). ამის შემდეგ შესთავაზეთ, ეს ვარსკვლავები რაღაც წესის მიხედვით დაალაგონ, მათი ორგანიზება მოახდინეთ და დასვით შეკითხვა, თუ როგორ შეიძლება ამ ყოველივეს ორგანიზება?

მოისმინე მოსწავლეების იდეები. თუ რომელიმე იტყვის „დავალაგოთ ერთ მწკრივად“, ან „დავაჯგუფოთ ხუთეულებად/ათეულებად“, უთხარით რომ ჩვენ გვაქვს ამისთვის ას უჯრიანი ბადე. ეს არის უჯრებისგან შემდგარი ფურცელი, რომლის ჰორიზონტალშიც 10-10 უჯრაა განთავსებული და ვერტიკალშიც 10-10 უჯრა. 

მიეცით თითოეულ მოსწავლეს ას უჯრიანი ბადის შაბლონი და უთხარით, რომ ახლა დახატონ ამ ბადეში ვარსკვლავები. კვლავ მიეცით 30 წამი მოცემული აქტივობისთვის. როდესაც დრო დამთავრდება, სთხოვეთ გადათვალონ ვარსკვლავების რაოდენობა. შემდეგ კი გაგიზიარონ თავიანთი გამოცდილება, თუ როგორ დაითვალეს ბადის დახმარებით. კარგ შემთხვევაში მოსწავლეები დაინახავენ როგორ შეუძლიათ დათვალონ ათეულები (10, 20, 30, 40, 50…) და შემდეგ დაუმატონ ერთეული ვარსკვლავები (51, 52, 53, 54).

ითამაშეთ კიდევ რამდენიმე ხელი და ცვალეთ დროითი ინტერვალები (40 წამი, 50 წამი, 60 წამი…). ყოველი ახალი სტარტის წინ სთხოვეთ მოსწავლეებს ივარაუდონ, თუ რამდენი ვარკვლავის დახატვას მოასწრებენ. შემდეგ დახატონ და ბოლოს შეაფასონ, რამდენად ახლოს იყვნენ საკუთარ პასუხამდე.