ერთეულების ჩატი

შენ: შეხედეთ ამ სურათს. იფიქრეთ, რამდენია? [ელოდები 30 წამი] ძალიან ჩუმად მიუბრუნდი შენს გვერდზე მჯდომს და ჰკითხე: შენი აზრით რამდენია? [მოსწავლეები ჩუმად შედიან დისკუსიაში]. ვის შეუძლია გაგვიზიაროს, რას ხედავთ სურათზე?

მოსწავლე: ავოკადოებს

შენ: რამდენ ავოკადოს ხედავ?

მოსწავლე: თხუთმეტს!

შენ: თხუთმეტი ავოკადო. ჰმ.. მე მაგას ვერ ვხედავ საერთოდ

მოსწავლე: შეხედე, ზემოთ არის ხუთი ცალი მერე კიდე ხუთი და მერე კიდე ხუთი, ამიტომაა 15.  

შენ: აა! შენ იგულისხმე ნახევარი ავოკადოები? მაშინ გეთანხმები, 5, 10, 15 ცალი ავოკადოს ნახევარია. სხვას რას ხედავთ?

მოსწავლე: ჭადრაკის დაფას ჰგავს.

შენ: მართალი ხარ. კურკიანი და უკურკო ავოკადოს ნახევრები ქმნიან ჭადრაკის პატერნს. ეს იმას ნიშნავს რომ იმდენივე უკურკო ნახევარი გვაქვს, რამდენიც კურკიანი?

მოსწავლე: კი! / არა!

მოსწავლე: 8 კურკაა სულ.

შენ: მოდი გადავთვალოთ. 1, 2, 3, 4, 5, 6, 7, 8. მართალია! სათითაოდ დაითვალე?

მოსწავლე: არა, ზემოთ 3 დავინახე, მერე 2 და ქვემოთ 3.

შენ: აჰა, და 3 + 2 + 3 = 8.

მოსწავლე: უკურკო კი მხოლოდ 7 ცალია

შენ: უცნაურია რომ სხვადასხვა რაოდენობის გვაქვს კურკიანები და უკურკოები. არადა ერთის გამოტოვებითაა კურკა, არ მესმის, როგორ მოხდა ასე?

მოსწავლე: იმიტომ რომ პირველ და ბოლო ავოკადოს აქვს კურკა, კიდევ ერთი ხაზი რომ იყოს, მაშინ თანაბარი იქნებოდა.

შენ: ა, მგონი ახლა გასაგებია. შენ ამბობ, რომ ასე მიდის „კურკა, უკურკო, კურკა, უკურკო….“ თუმცა მთავრდება „კურკა“-ზე და იწყება „კურკა“-ზე, შესაბამისად ერთით მეტია.

მოსწავლე: ერთი „უკურკო“ გადააგდეს.

შენ: რას გულისხმობ?

მოსწავლე: რვა ავოკადო გაჭრეს შუაზე და ერთი უკურკო ნახევარი გადააგდეს.

შენ: საიდან იცი?

მოსწავლე: იმიტომ რომ თუ ყველა ნახევარს ერთად დადებ ავოკადოს ასაწყობად, 8 ცალი ავოკადო გამოვა, თუმცა ერთ ცალ კურკიანს ნახევარი დააკლდება.

შენ: მაშ, ამ სურათზე რამდენი ცალი ავოკადოა?

მოსწავლე: შვიდი და ნახევარი

შენ: მართალია. შეგვიძლია ეს დავინახოთ როგორც 15 ნახევარი ავოკადო, ან როგორც 7 და კიდევ ნახევარი ავოკადო. მაგარია!