პატერნის ბლოკების წილადები 1

ყველა ეს აქტივობა არის გათვლილი სამკუთხედებზე, რომბებზე, ტრაპეციებზე და ექვსკუთხედებზე. ამოიღე კვადრატები და წვრილი რომბები.

ნაწილი 1.

მასწავლებელი აცნობს ყველას პატერნის ბლოკებს და ამბობს, რომ სამკუთხედი არის 1. ამ შემთხვევაში, რას უდრის დანარჩენი ბლოკები? მოსწავლეები ამაზე მარტივად გიპასუხებენ, უკვე აქვთ გამოცდილება და თანაც შეუძლიათ ფიზიკურად ააგონ რომბი 2 სამკუთხედით, ტრაპეცია 3-ით და ექვსკუთხედი 6-ით. დადე ექვსკუთხედების პატარა კოლექცია მერხზე და ჰკითხე მოსწავლეებს, თუ რას უდრის ეს ყველაფერი.

ნაწილი 2.

ახლა უთხარი ყველას, რომ დავივიწყოთ, რომ სამკუთხედი უდრის 1-ს და დღის ბოლომდე ექვსკუთხედი იქნება 1-ის ტოლი. ჰკითხე მოსწავლეებს, ამ შემთხვევაში რას უდრის ტრაპეცია?. მათ შეუძლიათ იფიქრონ და ილაპარაკონ. ამის შემდეგ მთელ კლასთან ერთად განიხილე პასუხები და მიდით დასკვნამდე, რომ ტრაპეცია უდრის ნახევარს.

მოსწავლის კარგი არგუმენტი: „ვინაიდან ორი ტრაპეცია ქმნის ექვსკუთხედს და ექვსკუთხედი უდრის 1-ს, ტრაპეცია უნდა იყოს ნახევარი, ვინაიდან ორი ნახევარი ქმნის მთელს“. 

ამის შემდეგ მიეცი საშუალება დაიცვან აზრი სხვა ფიგურებთან მიმართებით იქამდე, სანამ ჩამოყალიბდებით, რომ რომბი უდრის ⅓-ს, ხოლო სამკუთხედი ⅙-ს.

ამის შემდეგ შეგიძლია ჰკითხო მოსწავლეებს თუ რას უდრის 3 ტრაპეცია. პასუხები უნდა შეიცავდეს „3 ნახევარი“ და „1 მთელი და ნახევარი“. კარგია თუ დაინახავენ, რომ ორი ტრაპეცია, რომ ქმნის ერთ ექვსკუთხედს, კარგად ასახავს „1 მთელს და ნახევარს“.

როდესაც მოსწავლეებს შეეძლებათ ამ პრობლემების თავად გადაჭრა, გადადი შემდეგ ნაწილზე.