ბლოქაუთი

ვყოფთ მოსწავლეებს წყვილებად, ყველას სათითაოდ ვურიგებთ ქულების ფურცელს და შემდეგ ყველა წყვილს ვაძლევთ ერთ სათამაშო დაფას. მონაწილეები ირჩევენ ფერს (რომელი ფერის მარკერს, ფანქარს, ან კალამსაც აიღებენ), მნიშვნელოვანია, რომ თითო წყვილში მოთამაშეებს განსხვავებული ფერი უნდა ჰქონდეთ. შემდეგ ვირჩევთ თითო წყვილისთვის პირველ მოთამაშეს და ვიწყებთ 2 კამათლის გაგორებას. მაგალითად ამოვიდა 2 და 5, პირველი მოთამაშე აფერადებს დაფაზე მართკუთხედს 2:5-ზე (ან 5:2-ზე). არავის შეუძლია გააფერადოს ის უჯრა, რომელიც უკვე გაფერადებულია, ვერც დაფას გადავცდებით. გაგორებულ კამათლის წყვილს და მართკუთხედის ფართობს მოთამაშე იწერს სამუშაო ფურცელზე. რაღაც დროის მერე, თუ მოთამაშე ვერ ატევს გაგორებული რიცხვების მართკუთხედს დაფაზე, ის ტოვებს სვლას. თუ კლასში ყველა წყვილში 2-ჯერ ზედიზედ გამოვტოვეთ სვლა, თამაში მთავრდება. 

თამაში რეკომენდირებულია წყვილებში, თუმცა შესაძლებელია 3, ან 4 ადამიანშიც. პირველი ეტაპი არის შეჯიბრი, სადაც ისე უნდა ჩასვან მართკუთხედები, რომ ერთმანეთს სივრცე დაუბლოკონ და რაც შეიძლება მეტი გააფერადონ თვითონ, იგებს ის, ვისი ფერიც მეტ ფართობზე იქნება (ამას ვითვლით ფართობით და ქულების ფურცლის ნამრავლებით). შეგვიძლია კიდევ ერთხელ დავარიგოთ ფურცლები და ამჯერად წყვილები ეჯიბრებიან ერთმანეთს, თითოეული წყვილის მიზანია, ფურცლის რაც შეიძლება დიდი ფართობი გააფერადონ ერთად, ისე რომ არ გაიჭედონ.