ცარიელი ადგილების შევსება

გამოიყენეთ 10 ცალი საჩვენებელი ბარათი (ან კოპლებიანი ბარათების იასამნისფერი ნაკრები), საიდანაც თითოეულზე ეწერება 0-დან 9-ის ჩათვლით ციფრი, იმის საჩვენებლად, რომ ყველა მომდევნო აქტივობაში თითოეული ციფრის გამოყენება შესაძლებელი იქნება მხოლოდ 1-ხელ.

1. შეადგინე ჭეშმარიტი ტოლობა მხოლოდ 3 რიცხვის გამოყენებით. რიცხვების გამეორება არ შეიძლება. 

                                                ______ + ______ – ______ = 10

მოსწავლეების დასახმარებლად, სცადე გამოსახულების შედგენა ისე, რომ რიცხვები დაალაგო დაუფიქრებლად, რომ პასუხი გამოვიდეს არასწორი. 

შემდგომ კი ხმამაღლა გაარჩიე რას შეცვლიდი იმისთვის, რომ გამოსახულება სწორი გამოსულიყო. მიეცი მათ საშუალება, რომ დამოუკიდებლადაც იფიქრონ და გააზიარონ თავიანთი აზრები. 

შესაძლოა რამდენიმე სხვადასხვა პასუხი არსებობდეს (მაგ. 8 + 4 – 2 = 10)

2. წესები იგივეა. ჩაწერე რიცხვები ისე, რომ მიიღო სწორი გამოსახულება. 

                                               ______ + ______ = ______ – ______

 აქაც ბევრი სხვადასხვა ვარიანტი შეიძლება არსებობდეს (მაგ. 3 + 5 = 9 – 1)

3. წესები იგივეა. ჩაწერე რიცხვები ისე, რომ მიიღო სწორი გამოსახულება. 

ახლა გამოიყენე ორნიშნა რიცხვებიც. 

                                                    ____ ____ + ____ =____ ____ 

აქაც ბევრი სხვადასხვა ვარიანტი შეიძლება არსებობდეს (მაგ. 46 + 7 = 53)

მას შემდეგ, რაც მოსწავლეები ამ სავარჯიშოებს აუღებენ ალღოს, შეგიძლიათ გადახვიდეთ დღის მთავარ სავარჯიშოზე. 

4. გამოიყენე 0-9 ციფრებიდან რაც შეიძლება ბევრი ციფრი და შეადგინე ჭეშმარიტი ტოლობები.

შეგიძლია გამოიყენო ორნიშნა რიცხვები, მიმატება, გამოკლება და ნებისმიერი რამ.

წაახალისე ბავშვები, რომ იმუშაონ დამოუკიდებლად, თუმცა, ამავდროულად, ესაუბრონ ერთმანეთს და გადაამოწმონ პასუხები. 10-ვე ციფრის გამოყენება ძალიან კარგია, თუმცა უმჯობესი იქნება უფრო პატარა ციფრებით დაიწყოთ და ნელ-ნელა გადახვიდეთ უფრო დიდებზე.